MATEMATIKAKO AZTERKETAN MURGILDURIK

2009ko Urriaren 19an, arratsaldeko 14:30ean, bazkaldu ondoren ikasleak gelara heldu ziren eta matematikako azterketari aurre egin beharra izan zuten. Horretarako, lehendabizi mahaiak elkarrengandik banatu zituzten eta hori egin ostean irakasleak azterketak banatu zituen. Irakasleak azterketa irakurri ostean azterketari ekin zioten ikasleek eta egia esan hasieran ulermen arazo batzuk izan zituzten arren ongi moldatu ziren azterketarekin.
Ariketak ondorengoak izan ziren: biderketaren banatze-propietateak erabiliz ekuazioak ebaztea, parentesiekin eragiketak egitea, zenbakiek posizioaren arabera duten balioa jakitea eta azkenik, buruketak.
Ariketak:
1-Ekuazioak:
(20+4)x4=
(13+9)x8=
8x(20-4)=
(40-5):5=

2-Eragiketak:
15x9-35=
6x(80-25)=
(35+25)x2=
750-(85+15)x4=

3-Buruketak:
-Torrealdai senar-emazteak praka eta jertse bana erosi dizkiete lau seme-alabei. Zenbat kostatu zaie erositakoa?
-Mirenek 748 seilu ditu, Danik 516 eta Leirek 458. Seilu guztiak bildu eta hiru multzotan banatu dituzte. Zenbat seilu hartu ditu bakoitzak?
-Begoñak 416 gozoki poltsatan sartu ditu. Poltsa bakoitzean 9 gozoki jarri ditu eta sobera gelditu direnak Landerri eman dizkio. Zenbat poltsa bete ditu? Zenbat gozoki eman dizkio Landerri?

FLEMING IKASTETXEA EZAGUTZEN

Dr.Fleming ikastetxea Gipuzkoako Villabona herrian kokaturik dago eta historian zehar hainbat kokapen izan ditu, hala nola, udaletxe azpian, Amasan, Arratzain auzoan...

Gaur egun, azken honetan dago kokaturik, hau da, Arratzain auzoan eta lehen hezkuntza egiteko aukera dago bertan. Lehen hezkuntza amaitu ostean, ikastetxe berean jarraitzen dute ikasleek, baina, izena aldatu egiten zaio, hau da, DBH-koen ikastetxeak Erniobea insitutua izena hartzen du. Haur hezkuntza egiteko ere eskeintza badauka Dr.Fleming ikastetxeak, baina, berau Villabonako Arroa auzoan kokatzen da.
Dr.Fleming ikastetxeak hiru solairu ditu eta ikastetxeak hainbat zerbitzu eskeintzen dizkie ikasleei eta familiei, esaterako, jangela eta autobus zerbitzua. Gainera, aipatzekoa da materialez ongi horniturik dagoen ikastetxea dela eta ikus-entzunezkoen gelan eta plastika gelan ez dago ezeren gabeziarik.Bestalde, aipatzekoa da, Fleming ikastetxeak tradizioei garrantzia handia ematen diela eta euskal kulturarekin lotura duen gauza oro ospatzeko ohitura duela, izan bitez adibidetzat euskera astea, euskera eguna, gabonak, mari domingi, santa ageda, ihauteriak, korrika eta kurtso bukaerako festa.
Gure ekarpenak egiteko 6.A maila hautatu dugu eta ondorengo egunetan maila eta gela horri dagokion informazio gehiago jasotzeko parada izango duzue!